الصفحة الرئيسية › ثقافة

ثقافة تفاعلا مع وفاة التلميذة منار بوزياني: قصيد "مدرستي... حببني فيها" بقلم مريم العبيدي

تفاعلا مع خبر وفاة التلميذة منار بوزياني في عمر الزهور (9 سنوات) بالمدرسة الإبتدائية الهدى بمعتمدية الرقاب بعد معاناة مع مرض الفيروس الكبدي، كتبت الشابة مريم العبيدي القصيد التالي:

مدرستي... حببني فيها

نحلم في مدرستي نشوف جنينة

مش نمشي بضحكة نروح بغبينة

نحلم بهاك المدرسة إلي اتصاورها في القصص

والكتب بهرتني خلتني نحب نكبر قبل وقتي ندخلها..

نعدي فيها أحسن أيام عمري

مدرستي إلي أقسامها نظيفة

نقرا فيها منغير خوف

من غير منستنى زعما السقف الخايخ فوق رأسي وقتاه يطيح

مدرستي إلي نشرب ماها من غير خوف

إني نمرض نتسمم نموت في عوض نعيش

مدرستي إلي حلمت بيها وحبيتها من صغري في تصاور ريتها..

كيفاه بعد مدخلتها نصدق الكتب والقصص

والتصاور الي فيها مش نفس الكتاب

صورلي مدرستي جنة منها بش ندخل للدنيا...

دخلتها ..

أما منها خرجت مالدنيا

مدرستي حببني فيها علقني بيها..

خليني نحب نمشيلها نتعلم ونعيش في عوض مننفر منها

ونخاف نمشي ومنجيش..